Son varios os Roteiros que se poden facer por esta zona. O Roteiro do Castro de Doade está homologado coa matrícula PR-G 210. Pero tamén hai outras alternativas subindo ata o alto de Xestoso ou o novo Roteiro da Prehistoria.

A área recreativa de Mouriscade está emplazada nun meandro do río Asneiro. Neste espazo de lecer atoparemos varios muíños e unha pasarela que cruza o río de da acceso a varios roteiros.

Mapa do roteiro

Descarga o track para gps

Track Roteiro do Castro de Doade PR-G 210

Descarga o caderno informativo

Portada e contraportada
Caderno informativo pax 2 e 3
Caderno informativo pax 4 e 5
Caderno informativo pax 6 e 7 Mapa
Caderno informativo pax 8 e 9 Mouriscade
Caderno informativo pax 10 e 11 Ruta da Prehistoria

Galería fotográfica

Roteiros de Lalín comeza a nova temporada. O Roteiro X terá como punto de inicio e final a área recreativa de Mouriscade. Estamos noutra das fermosas paraxes que temos no Concello de Lalín. O río Asneiro ofrece neste lugar un marco incomparable para o lecer. Pódese disfrutar da música da auga, da sombra que nos ofrece a vexetación de ribeira, visitar os muíños que aínda se conservan, e incluso preparar un bo churrasco no espazo habilitado para este fin. O roteiro permitirá visitar un carballo que é árbore senlleira de Galicia. Despois iremos ascendendo polo val do río Lebozán ata o alto de Xestoso. Dende alí os camiños levaranos preto do lugar de Penelas. Visitaremos o castro de O Penedo e pasaremos preto da aldea de Codeseda onde está o museo etnográfico da Casa do Patrón. Baixaremos de novo a carón do río Asneiro e pasearemos pola súa ribeira. Novamente ascenderemos ata a igrexa de San Xoan de Vilanova e xunto a ela está un fermoso pazo. Despois baixaremos cara a aldea de Os Muíños e por unha pequena senda ao pé do río Asneiro chegaremos de novo a área recreativa de Mouriscade.